પ્રોહિબિશનના 6 ગુનામાં વોન્ટેડ આરોપી ઝડપાયો: ભરૂચ ક્રાઈમ બ્રાંચે અંક્લેશ્વરના હજાત ગામેથી દશરથ વસાવાની ધરપકડ કરી
ભરૂચ,
ભરૂચ એલસીબી પોલીસે અંક્લેશ્વર વિસ્તારમાંથી પ્રોહિબિશનના છ ગુનામાં નાસતા ફરતા આરોપીની ધરપકડ કરી છે. પોલીસ ઇન્સપેક્ટર એમ.પી.વાળાના માર્ગદર્શન હેઠળ, પીએસઆઈ ડી.એ.તુવરની ટીમને બાતમી મળી હતી કે વોન્ટેડ આરોપી દશરથ ઉર્ફે દશુ બાલુભાઈ વસાવા તેના હજાત ગામ સ્થિત ઘરે હાજર છે.
બાતમીના આધારે તાત્કાલિક રેઇડ કરવામાં આવી હતી અને આરોપીની ધરપકડ કરવામાં આવી હતી. પૂછપરછ દરમિયાન જાણવા મળ્યું કે આરોપી અંક્લેશ્વર રૂરલ પોલીસ સ્ટેશનના ત્રણ, અંક્લેશ્વર શહેર ‘એ’ ડિવિઝન પોલીસ સ્ટેશનના બે અને અંક્લેશ્વર શહેર ‘બી’ ડિવિઝન પોલીસ સ્ટેશનના એક એમ કુલ છ પ્રોહિબિશનના ગુનામાં વોન્ટેડ હતો.
એલસીબીએ આરોપીને અંક્લેશ્વર રૂરલ પોલીસ સ્ટેશનના ગુનામાં અટક કરી આગળની તપાસ શરૂ કરી છે. સાથે જ અન્ય પોલીસ સ્ટેશનોમાં પણ તેની સામેના બાકીના ગુનાઓ અંગે જાણ કરવાની કાર્યવાહી હાથ ધરવામાં આવી છે.

રિપોર્ટર:- કેતન મહેતા, અંક્લેશ્વર

LEAVE A REPLY

Please enter your comment!
Please enter your name here